Askatasuna kantari dugu bihotza,
Hitz maitagarri hori entzutean.
Disdiradun hamar iduzki iduri
Euskadin egizu zure egoitza.
Ehun urtez auzitegi presondegietan,
Intzirika entzun ditzagun anaiak.
Zure garra erakuts azkenean,
Bideko laparrak suntsi ditzagun.
Nigarrik aski, odola debaldetan
Ixuri dutenen ohoretan.
Guk egun gotorki galde egiten dautzuegu
Primadera noizbait jeiki dadin.
Zuretzat hiltzea eder da,
Zurekin bizia zer loria.
Askatasuna kantari dugu bihotza,
Alaitasunean atxiki semeak.
Geroa hobea egizu guretzat,
Hegalen gerizan har gure Herria,
Euskadi, Euskadi.