Izotz-ondoko eguzki, neguaren parre :
olerkariak noizpait hiri goratzarre.
Emeki duk itxaroz piztu garai-larre :
udaberri-lamiek larreon batzarre.
Behetik nator, ibarrak izoztuta utziak,
mendia yaiez dago urrezko yantziaz.
haren parrea dadat irrika biziaz,
gozatua baitu gaur ezti bereziaz.
Udalenak irria ohi du zoro ozena,
udak argikoia, udazkenak bena ;
negu-gau ozkarbien izotz-ondorena
berriz, bakarra duzu : dentan emeena !
Bai-baitatza eria ogean:erio
atzapar itsusia luzatzen ario :
berbizkunde-berria maiteak yario :
hitzik ezin ta irria bain ezti dagio !
Aranak mailka daude gorantza yarriak,
guzien ondarrean laño urdin, begiak ;
izotz-arnasa, agian, baititu eguzkiak
zerna ! tauparatzeko men zoragarriak.
Izotzak estali zuen gure Euskalerria,
mintzo ozenak zabaldu berbizkun berria.
Itzal-zokondoetan Tore, izotz-bitxia,
baña gañetaz ari yauntzen eguzkia.
Izotz-ondo neguak parre eme gizadi
larria gallureruntz, muñoak malladi.
Gazte-sail kementsua goraño ba-dadi,
izozpetik eguzkik yare dik Euzkadi.